Një aksident i rëndë ka ndodhur në hyrje të Beratit, në fshatin Otllak. Dy automjete, njëri tip Benz dhe tjetri Hunday janë përplasur. Mjeti Benz që drejtohej nga 31- vjeçarja Eliberta Themeli i ka prerë rrugën Hunday-t, duke hyrë për në rrugicën e lagjes së saj.
Mirëpo në ballkon gjendej nëna e vajzës, që e ka parë aksidentin. Ajo ka rendur drejt vajzës dhe i ka rënë të fikët në rrugë.
Por menjëherë janë shoqëruar për në spital nënë e bijë. Për fatin e mirë ngjarja ka kaluar pa pasoja të rënda dhe sipas të dhënave spitalore dy gratë janë jashtë rrezikut për jetën.
Policia ka bërë verifikimet e para dhe ka konstatuar një pakujdesi nga ana e vajzës.
Aksidenti ka ndodhur në të njëjtin vend ku u përplas ambulanca me trajlerin pak ditë më parë.
Ndërkohë në këtë prag festash një prej problemeve më të mëdha në vendin tonë janë aksidentet. Policia dhe asnjë autoritet nuk del të bëjë apele por turren pas gjobitjes së qytetarëve.
