Ministrja e Infrastukturës dhe Energjisë. Belinda Balluku, ka organizuar një festë me rastin e Vitit të Ri, për fëmijët e naftëtarëve nga Fieri, Patosi, Mallakastra, Roskoveci, Kuçova, e Selenica. Në ceremoni ministrja Balluku, shoqërohej edhe nga administratorja e Albpetrol, Eriola Muka.
Sëbashku ato i’u dhanë një lajm të mirë fëmijëve të naftëtarëve, se viti 2020 do ti gjejë punonjësit e Albpetrol me më shumë të ardhura. Kjo rritje e konsiderueshme page, synon nxitjen e mëtejshme të kësaj ndërmarrje për të arritur sa më parë objektivat e vendosura nga MIE në sektorin e hidrokarbureve për vitin e ri 2020.
“Unë jam shumë e lumtur sot që takoj fëmijët e naftëtarëve, të cilët janë nga punëtorët më të dalluar dhe kanë qenë në të gjitha kohërat. Janë njerëz që impenjohen shumë, puna është e vështirë, besoj që mami dhe babi ju kanë treguar gjithmonë sesa e vështirë është të punosh në fushën e naftës, por ata ja dalin gjithmonë me sukses. Kemi dhe një lajm të mirë për ta, që të gjithë naftëtarëve ne kemi vendosur t’ju rrisim edhe pagën, por më pas këto do t’i bisedoj Erjola me prindërit tuaj”, u shpreh ministrja Balluku.
Ministrja e Infrastrukturës dhe Energjisë, së bashku me administratoren e Albpetrol, kanë shpërndarë dhurata për të gjithë fëmijët duke krijuar momente festive. /Fjala.al
