Ministri i Jashtëm i Kosovës, Behgjet Pacolli ka kundërshtuar deklaratat e presidentit serb, Aleksandar Vuçiçit mbi Kishat dhe Manastiret Ortodokse Serbe në Kosovë.
Pacolli ka thënë se Kosova ofron mbrojtjen më të madhe të mundshme për objektet fetare, diçka që Kisha Ortodokse Serbe nuk e ka as në Serbi.
“Unë dua ta bëj të qartë Beogradit qe të ndal nxitjen e tensioneve në Kosovë, dhe vendet e tjera të rajonit. Këto deklarata sot tregojnë një shenjë të qartë qe Beogradi dëshiron të nxisë tensione në Kosovë para Krishtlindjes Ortodokse për të manipuluar serbët e Kosovës.
Ligji për liritë fetare në Kosovë ka marrë miratimin e Komisionit të Venecias dhe është në përputhje me standardet evropiane, ai tani do të miratohet nga Kuvendi i Kosovës.
“Lërini njerëzit të kenë festa normale dhe të qeta. Asnjë politikë në fe nuk është e nevojshme e aspak nga Beogradi që njihet për tendenca dhe për manipulime me qytetaret serbë të Kosovës”.
Këto komente erdhën pas miratimit të Ligjit për Liri Fetare në Mal të Zi. Vuçiç ka aluduar se edhe Kosova shpejt mund të i largojë privilegjet e tepërta që zotërojnë këto kulte dhe të rishikohet historia e tyre.