Polici Prel Milani ka folur pas tritolit që u vendos në shtëpinë e tij në qytetin e Shkodrës, ku ka thënë se nuk ka pasur armiqësi dhe konflikte me asnjë njeri.
Prel Milani ka thënë se dyshon që ky mund të jetë një mesazh kërcënues për shkak të detyrës, sidomos në luftën kundër kultivimit të lëndëve narkotike.
Preli me detyrë komandant poste në Theth , ka thënë në polici se nuk e ka idenë se kush mund ta ketë bërë këtë atentat.
Ndërkohë, policia është duke hetuar për gjetjen e personave përgjegjës të përfshirë në këtë ndodhi. Nga shpërthimi i tritolit nuk pati asnjë të lënduar, por akti ishte i frikshëm.
Rikujtojmë se në Dukagjin në muajt e fundit të vitit që sapo mbyllëm u vranë dy persona të dyshuar për shkak të kultivimit të bimëve narkotike.
Lazër Arra dhe më pas Gjergj Krytha humbën jetën nga ekzekutimet me armë zjarri, autorët e të cilëve nuk dihen ende edhe sot./Fjala.al/