Drejtori i Përgjithshëm i Agjencisë Shtetërore të Kadastrës, Artan Lame së bashku me Kryetaren e Dhomës Kombëtare së Noterisë, Mimoza Sadushaj nënshkruan marrëveshjen e bashkëpunimit për shërbimet që do të ofrojë online institucioni i Kadastrës, duke siguruar pavarësinë në ushtrimin e kompetencave të tyre dhe realizimin në kohë reale të shërbimit publik. Dhomat e Noterisë do të kenë akses për të verifikuar online statusin e pronës gjatë nënshkrimit të marrëveshjeve për shit-bleje pronash.
Drejtori i ASHK-së, Artan Lame e cilësoi si risi bashkëpunimin me noterët , pasi informacioni që do të kërkohet nga noterët do të jetë në kohë reale duke i garantuar cilësi, shpejtësi dhe pastërti në dhënien e shërbimit. Të dyja institucionet do të kenë sisitemin e tyre të operimit portë integruar tek njëri- tjetri. “Bashkëpunimi jonë në këtë fushë për këtë vit ka dy risi. E para është aplikimi online dhe e dyta është akti i sotëm, marrëveshja mes dy institucioneve. Më shumë se sa notërëve, sot dua ti drejtohem qytetarëve, atyre që nuk janë mësuar më gjuhën e letrave, nuk janë mësuar me gjuhën e elektronikës që të bëhen pjesë e sistemeve online ose t’i drejtohen noterëve për të përfunduar një process pronësie.
Ajo që duhet të garantojmë janë tre gjëra: saktësi në shërbim, shpejtësi në shërbim dhe pastërti në shërbim. Sa i takon shpejtësisë në shërbim është edhe marrëveshja e sotme që secila ka sistemin e vetë të operimit, por të integruar tek njëri tjetrin. Tashmë qyetari do të marrë shërbimin më të shpejtë.Për saktësinë e shërbimeve është barra e Kadastrës në gjithë problemet e saj të mbartura në këto 100 vjet të Shtetit Shqiptar. Po bëhet një revolucion në Kadastër; ka filluar që në vitin 2013 me rikonceptimin e institucioneve të pronësisë dhe po vazhdon me rritme të mbara. Ky është një hap tjetër i mëtejshëm në të gjithë saktësinë e informacionit që ofron institucioni i Kadastrës. Pastërtia në shërbime konstiton në “zhdukjen” e sekserave që duke gjetur gremçat ku çalon sisitemi, futen mes institucionit dhe qyettarëve. Bashkëpunimi i këtyre dy institucioneve zhdukin një pjesë të mirë të këtij qerthulli. Pjësën tjetër e zhduk sistemi online, pasi qytetari nuk ka nevojë për një ndërmjetës të tillë (sekserët)” tha Lame.
Drejtori i Kadastrës është ndalur edhe tek papërgjegjshmëria e noterëve që prodhojnë edhe lëshojnë akte noteriale. “Pa diksutim është e dukshme që tre katër viteteve të fundit ka një rritje të përgjegjshmërisë së noterëve të akteve që prodhojnë dhe lëshojnë. Ju e keni parë ecurinë në shumë raste të cilësisë së shërbimit. Jemi ndeshur me akte të dyshimta, jemi ndeshur me papaërgjegjshmëri të noterëve, jemi ndeshur me noterë që kanë humbur lishencënduke bërë të këto gjëra. Shpresojmë që të shkojmë drejt zhdukes së këtyrë notërevë të papërgjegjshëm” tha drejtori i ASHK-së.
Lame u ndal edhe në trajtimin që duhet të bëjnë punonjësit e Kadastrës por edhe vetë në noterët për shërbimet që do të aksesohen online. “Sa i takon trajnimeve, ne jemi duke bërë trajnime me AKSHI-n për të parë edhe problemet që mund të kemi rrugës për përdorimin e sistemit online. Po ashtu i duhet edhe noterëve të trajnohen në këtë pikë që të përshpejtojnë kontaktin me qytetarin dhe shpejtësinë e dhënies së shërbimit”, tha Lame duke dhënë lajmin emirë se në fund të janarit do të kalojë edhe ligji për “Proceset Tranzitore”, pas vërejtjeve të bëra nga Komisioni i Venecias. Ndërsa Kryetarja e Dhomës së Noterëve Mimoza Sadushaj tha se
“E filluam këtë serimarrëveshjesh me Institucione dhe agjensi qeveritare me firmosjen e marreveshjes meKadastren Shqiptare, nisur edhe nga fakti që nëpërmjet ndërveprimit elektronik të sistemevetonë do të sigurojmë bashkarisht që: Të çojmë në zero ecejaket e qytetarit për sigurimin e njësërë sherbimesh apo dokumentash të nevojshëm për hartimin e një akti noterial për pasuri tëpaluajteshme, të mos lejojmë më sherbime preferenciale, fatkeqësisht të evidentuara në disaraste, duke garantuar barazi në shërbimin që i ofrohet qytetarit, shërbim që është i ekspozuarndaj efekteve të korrupsionit në sportelet e Zyrave të Regjistrimit të pasurive, të risimtransparencën e punës sonë të përbashkët në drejtim të informimit të qytetarit për ecurinë eaplikimeve pranë Kadastrës, duke e vendosur Noterin dhe specialistin e Kadastrës nëpozicionin që i takon, atë të një funksionari publik”.
