test

Kosova në alarm/ 15-vjeçarët përdoruesit më të mëdhenj të drogës

113 563 lexime

124,178FansaPëlqeje

Përdorimi i drograve tashmë nuk është më tabu. Shqipëria dhe Kosova kanë një trend të frikshëm të këtij përdorimi. Kohëve të fundit, të dhënat flasin se janë fëmijët përdoruesit më të mëdhenj të lëndëve narkotike dhe është shumë vështirë mbajtja nën kontroll.

Po nëse Shqipëria prej shumë e shumë vitesh merr vendime, harton drafte e vendos ligje, të cilat rrallë në mos hiç zbatohen, Kosova është përballur së fundmi me këtë dukuri. Është kreu i Task-Forcës së Kosovës që ka dhënë alarmin mbi moshën mesatare të të rinjve që janë përdorues të narkotikeve.

Sipas tij mosha mesatare e përdoruesve të narkotikëve është nga 15 e deri 21 vjeç, të cilët konsiderohen një ndër përdoruesit më të mëdhenj të drogës.

Shefi i Taskë Forcës kundër Drogës në shkollat e Kosovës, Avdullah Hasani, në një intervistë për Ekonomia Online, tha se kanë punuar në hartimin e një draft vendimi që pritet të miratohet së shpejti. Ky draft ka të bëjë me masat që do të ndërmerren me qëllim të parandalimit të shpërndarjes dhe konsumimit të narkotikëve nga të rinjtë.

“Në vitin 2019 kemi pasur vetëm pak muaj të themelimit në kuadër të fushë veprimtarisë me qëllim të vendimit të qeverisë, Task Forca antinarkotike te të rinjtë dhe siguri në shkolla i ka përafruar qëndrimet me ministritë e linjës për vendimet të cilat do t’i marrë qeveria e Republikës së Kosovës. Kemi punuar një draft vendim me masa që do ndërmerren me qëllim të parandalimit të shpërndarjes dhe konsumimit të narkotikëve nga të rinjtë. Draft vendimi është gati dhe pritet të miratohet së shpejti”.

Ajo që është shqetësuese, sipas Hasanit, është fakti se përdorimi i narkotikëve nga të rinjtë dita-ditës po shtohet.

Lexo edhe :  PD i kaloi Berishës/ Basha përjashton 'bashkëpunimin me hijet e së shkuarës'

“Përdorimi i narkotikëve nga ana e të rinjve fatkeqësisht nga dita në ditë është duke u shtuar. Ka pasur probleme të sensibilizimit apo mos aktivitete të mos sensibilizimit për dëmet që i shkaktojnë përdoruesit e narkotikëve. Së bashku me këshillin e  prindërve të cilët do të kenë një rol aktiv lidhur me masat që do të merren”, tha ai për Ekonomia Online.

Hasani tha se mosha e përdoruesve të narkotikëve është 15-21 vjeç derisa paralajmëroi se do të fillohet me një një fushatë sensibilizuese të madhe ku do të përfshihen të gjitha institucionet anëtare të Task Forcës.

“Kam kërkuar edhe nga Komisioni i Pavarur i medieve që ta parandaloj promovimin e narkotikëve në republikën e Kosovës. Nga Inspektorati Farmaceutik kam kërkuar që të merren masa për parandalimin e shitjes së narkotikëve pa receta në barnatore.

Nga Inspektorati i Tregut kam kërkuar që së bashku me policinë të kenë bashkëpunim më të madh për të parandaluar shitjen e duhanit, narkotikëve dhe alkoolit nga të rinjtë nën moshën 18 vjeçare. Nga Dogana e Kosovës kemi marrë masa dhe në ditët në vijim do të nënshkruajmë marrëveshjet përkatëse”.

“Në Kosovë 15 deri 21 është mosha më e madhe e përdoruesve të narkotikëve. Në vitin 2020 do të fillojmë më një fushatë sensibilizuese të madhe ku do të përfshihen të gjitha institucionet anëtare të Task Forcës”- tha ai! /Fjala.al/

Të fundit

Ben Affleck më në fund zbulon pse është gjithmonë i trishtuar nëpër foto

Shumë prej fotove të tij janë bërë meme për shkak të portretit të trishtë që shpesh Ben Affleck shfaq...

Fier/ Paradë mjetesh bujqësore, festë për grurin në Pojan

E bërë tashmë traditë, është festuar në fshatin Pojan të Fierit, “Festa e Grurit”.  Aktiviteti i cili përkon edhe me korrjen e grurit nga...

Mbi 1 orë e gjysmë në rrugë, dhjetëra mjete bllokohen te Shkalla e Tujanit

Nën temperaturat ekstreme të ditës së sotme, dhjetra automjete kanë mbetur bllokuar në rrugën e Arbrit në vendin e quajtur Shkalla e Tujanit. Qytetarët e...

Zgjedhjet në universitete/ Qëndresa Qytetare: U evidentuan raste të fotografimt të votës

Qëndresa Qytetare ka reaguar lidhur zgjedhjet në 12 universitete publike në të gjithë vendin të cilat u zhvilluan për të zgjedhur drejtuesit e rinj. Në...

Kylian Mbappe nuk do të startojë në sfidën ndaj Holandës, francezi vijon rikuperimin

Kylian Mbappé nuk do të startojë sonte, në orën 21:00, në ndeshjen që do të zhvillohet mes Francës dhe Holandës në Kampionatin Evropian. Sulmuesi...

Lajme të tjera

Web TV