Vjen në jetë fëmija i dytë i Miriam Canit dhe Alban Skënderajt. Këngëtari i njohur poston në instagramin e tij urimin që i bën djalit duke treguar dhe emrin: “Duam”
Ai shkruan: “Mirë se erdhe në jetë Duam! Ne do të duam derisa frymë të mos kemi. Ashtu si e do natyra diellin, e si duan yjet qiellin. Gjithmonë më shumë se dje e më pak se nesër. Ndoshta nuk të falim dot një kurorë, por ti do të jesh përjetësisht princi ynë, Duam! Do bëjmë gjithçka që është në dorën tonë që ti të rritesh me shëndet, që ti të rritesh me dinjitet. Të përqafosh të mirën dhe të luftosh padrejtësinë. Të jesh tolerant, i duruar, por i guximshëm dhe i vendosur kur duhet. Të dish nga ke ardhur dhe ku do të shkosh”.
Përgatiti: Enkeleda Fishekaj
