Taksa/ Kosova ‘luan mendsh’ Serbinë, i shkakton çdo ditë humbje kolosale

113 563 lexime

124,178FansaPëlqeje

Serbia po humbet çdo ditë 1 milion e 39 mijë euro për shkak të taksës së vendosur nga Kosova.

Këtë e ka bërë të ditur, ministri i Tregtisë së Serbisë, Rasim Ljajiç. Sipas tij, përgjatë 14 muajve që është vendosur taksa, në territorin e Kosovës janë dërguar më pak mallra nga Serbia.

Gjatë gati 14 muajve që është vendosur taksa, në territorin e Kosovës janë dërguar më pak mallra nga Serbia që kapin vlerën e 435 eurove, krahasuar me periudhën e njëjtë para vendosjes së taksës”, i ka thënë Lajijiç, gazetës Novosti.

Ai ka shtuar se vendin e kompanive serbe e kanë zënë kompanitë nga Greqia, Bullgaria, Hungaria, Kroacia, Sllovenia, Turqia dhe Maqedonia e Veriut.

Eksportet e mallrave shqiptare drejt Kosovës

Ndërkaq nga ana tjetër, eksportet e mallrave shqiptare me destinacion Kosovën janë rritur, ndërsa konkurrueshmëria e produkteve tona në tregun rajonal e Evropian ka shënuar rënie.  Në dhjetor 2019 eksportet e mallrave arritën vlerën 22 miliardë lekë, duke u rritur me 1,2 %, në krahasim me të njëjtën periudhë të një viti më parë dhe duke u ulur me 11,5 %, në krahasim me nëntor 2019. Eksportet janë rritur vetëm me Kosovën. Shqipëria eksportoi në Kosovë mallra në vlerë 29.8 miliardë lekë duke njohur një rritje me 2.8 miliardë lekë më shumë se në 2018.

Shkëmbimet më të mëdha tregtare Shqipëria i ka me Italinë edhe pse bilanci është negativ për produktet tona.

Ndërkohë importet e mallrave arritën vlerën 55 mld lekë duke u ulur me 7,6 %, në krahasim me një vit më parë dhe duke u rritur me 4,8 %, në krahasim me nëntor 2019. Deficiti tregtar i këtij muaji është 34 mld lekë duke u ulur me 12,6 %, krahasuar me dhjetor 2018 dhe duke u rritur me 19,1 %, në krahasim me nëntor 2019. Të dhanat janë bërë publike nga Instituti i Statistikave ku mësohet se në vitin 2019 eksportet e mallrave arritën vlerën 299 mld lekë duke u ulur me 3,8 %, krahasuar me një vit më parë dhe importet e mallrave arritën vlerën 649 mld lekë duke u rritur me 1,2 %, krahasuar me një vit më parë.

Lexo edhe :  Vlora Marina, Rama ndan pamjet nga punimet në portin turistik

Deficiti tregtar arriti vlerën 350 mld lekë duke u rritur me 5,8 %, krahasuar me të njëjtën periudhë të 2018. Kontributi i grupeve kryesore në ndryshimin vjetor të eksporteve:

Rritja vjetore e eksporteve prej 1,2 %, këtë muaj është ndikuar nga grupet: “Minerale, lëndë djegëse, energji elektrike” me +7,2 pikë përqindje, “Ushqim, pije, duhan” me +1,3 pikë përqindje, “Produkte kimike dhe plastike” me +0,1 pikë përqindje. Në ndryshimin vjetor të eksporteve kanë ndikuar negativisht grupet: “Tekstile dhe këpucë” me -4,6 pikë përqindje, “Materiale ndërtimi dhe metale” me -1,5 pikë përqindje dhe “Makineri, paisje dhe pjesë këmbimi” me -1,2 pikë përqindje./Fjala.al/

Të fundit

600 mijë euro për të prezantuar BBV? Arbana përgjigjet pas largimit nga Topi

Ish-moderatorja e Big Brother VIP Albania, Arbana Osmani, ka vendosur të ndajë mendimet e saj të qëndrueshme rreth çështjeve...

3 shenjat e horoskopit që e lëshojnë dorën thuajse gjithnjë me miqtë për para borxh

Nëse i jepni një shoku apo shoqeje vetëm ca lekë borxh sepse ka harruar portofolin në shtëpi, kjo është tjetër gjë krahasuar me disa...

‘Ethet e Dengës’?/ OBSH ngre alarmin: Sëmundje virale, ka shënuar shifra rekord këtë vit

Epidemia e Etheve të Dengës po përhapet me shpejtësi në Karaibe dhe Amerikën latine, duke shënuar shifra record nga fillimi i vitit deri tani....

“Në Maj nisin faturimet e reja”/ Ja sa kilovati do të paguajnë furrat që tregtojnë bukë

2600 furra buke që operojnë në mbarë vendin nuk do të preken nga rritja e çmimit të energjisë elektrike. Nga Lushnja, Zv/Kryeministria Belinda Balluku...

Meta denoncon në Prokurori: Më kanë vjedhur hard diskun në zyrën e PL!

Kreu i PL, Ilir Meta ka denoncuar në Prokurorinë e Tiranës se në zyrën e Partisë së Lirisë, persona të paidentifikuar kanë vjedhur një...

Lajme të tjera

Web TV