Ndërsa stuhia “Gloria” pritet të prekë jugun e Oqeanisë dhe Pireneun Francezë, autoritetet spanjolle raportojnë se tre persona kanë humbur jetën në Gadishullin Iberik.
Stuhia “Gloria” goditi këtë të dielë Katalonjën, ishujt Belearik. Të gjitha provincat përreth u vendosën në alarmin meteorologjik këtë të dielë. Shërbimet meteorologjike katalanase kanë vendosur në të gjithë vijën bregdetare alarmin maksimal për ditën e hënë dhe të martë.
https://streamable.com/s4lkd
Ata rekomanduan të shmangen të gjitha udhëtimet pranë plazheve, pasi në 96 orët në vijim pritet që niveli i shirave të arrijë deri në 300mm dhe erërat do të shkojnë rreth 115km/orë.
Në provincën qendrore të Avila, kryetari i bashkisë Pedro Bernando, shpjegoi se një 63-vjeçar humbi jetën pasi u godit në kokë me një tullë që u rrëzua nga era e fortë.
https://streamable.com/gj5lb
Në Valencia një 54-vjeçar i pastrehë humbi jetën nga hipotermia dhe në Asturias një shofer u gjend i bllokuar nga bora, automjeti kishte marrë dëmtime të mëdha dhe burri kishte mbetur i vdekur në vend.
https://streamable.com/9kgjp
Aeroporti i Alicante njoftoi mbylljen e tij dhe anulimin e rreth 200 fluturimeve. Në rajonin e Valencias gati 190 qytete dhe fshatra kanë mbyllur shkollat për ditën e hënë pasi qindra rrugë janë bllokuar./Fjala.al
