Gjykata e Korçës ka mbyllur në burg 4 autorët e grabitjes së dy shtetasve marokenë disa ditë më parë. Autorët janë njohur sot me masën e “arrestit në burg”.
Autorët e kësaj ngjarje janë Mikel Rënxa, Kristi Deti, Andrea Grabocka dhe Klajdi Islamaj, të cilët e kanë pranuar krimin.
Marokenët kanë hyrë në janar në Shqipëri dhe në Korçë janë hasur me grupin e grabitësve të cilët i kanë rrahur, i kanë zhveshur dhe ju kanë grabitur 3 telefona dhe 350 euro. Xhad Almardi dhe Emin Labib, të cilët ishin futur ilegalisht në Shqipëri, kërkonin të udhëtonin në drejtim të Tiranës kundrejt një pagese prej 80 euro.
Ata kishin rënë dakord me 4 personat, por ata i pritën duke ju vënë thikën në fyt e më pas grabitur. Dy shtetasit kanë kërkuar ndihmë dhe janë konstatuar nga shërbimet e Patrullës së Përgjithshme të Komisariatit të Policisë Korçë./Fjala.al
