Moti për ditën e sotme do të jetë nën ndikimin e kushteve të qëndrueshme atmosferike. Kjo do të bëjë që vendi të shoqërohet me kthjellime deri në mesditë. Ndërsa më pas do të ketë kalime vranësirash, ku më të dukshme do të jenë në zonat përgjatë kufirit lindor.
Temperaturat e ajrit ulen lehtë në mëngjes por rriten në mesditë duke luhatur vlerat ekstremale nga -5°C në 15°C. Era do fryjë e lehtë dhe mesatare me shpejtësi 33 km/h nga drejtimi Verior-Verilindor duke krijuar në det dallgëzim 3 ballë.
Sa i përket motit në Evropë, Gadishulli Iberik vijon me stuhi ere dhe shira me intensitet të lartë, po ashtu edhe Vendet Nordike paraqiten me vranësira të dendura dhe reshje dëbore. Ndërsa kthjellimet mbizotërojnë në pjesën tjetër të kontinentit.
