Banorët e qytezës së Nordlingen në Bavari të Gjermanisë, janë në dijeni se jetojnë mbi tonelata diamantesh, por përsëri ata zgjedhin që të mos i prishin banesat e tyre për t’u pasuruar.
Nordlingen qëndron mbi diamantet që gjenden aty qysh prej 15 milionë viteve kur një asteroid goditi Tokën. Sipas gjeologëve gjerësia e asteroidit ishte rreth një kilometër dhe peshonte rreth tre miliard tonelata.
Goditja e asteroidit ishte aq e fortë me një temperaturë shumë të lartë dhe ushtroi presionin e mjaftueshëm për krijimin e një përzierjeje midis xhamave, kristaleve dhe diamanteve.
Sipas gjeologëve besohet se në nëntokën e Nordlingenit ndodhen rreth 72 tonelata diamante.
Banorët e parë që kanë lëvizur në këtë zonë nuk kanë qenë në dijeni se ishin duke ndërtuar shtëpitë e tyre mbi një “thesar”, madje ata prej vitesh besonin se shkak i kraterit të madh ishte vullkani. Vetëm në vitet 60’ u zbulua se shkak i kraterit ishte një asteroid.
Kur banorët kanë ndërtuar banesat e tyre kanë përdorur ‘suevitin’, një material i përzier me gurë, xham kristale dhe diamante.
Pra mund të themi se muret e qytetit të Nordlingenit vlejnë shumë më shumë sesa duken në shikimin e parë. Sasia e diamantit është shumë e madhe, por banorët përsëri nuk zgjedhin që të shembin qytetin për t’u pasuruar pasi madhësia e diamanteve është vetëm 0.2 milimetra./Fjala.al
