Në territorin e Shqipërisë ditët e fundit kanë rënë shira të shumtë. Më problematike paraqitet situata në Fushë- Krujë dhe në Kukës, ku kanë sjellë vështirësi në qarkullimin e makinave.
Në Kukës ka pasur edhe rrëshqitje të dherave dhe gurëve, por kjo nuk ka sjellë trafik të rënduar pasi është bërë pastrimi në kohë.
Reshje të dendura shiu kanë përfshirë të gjithë qarkun e Kukësit këtë mbrëmje duke shkaktuar vështirësi në qarkullimin e mjeteve për shkak të lagështisë në rrugë.
Ka pasur dhe rrëshqitje dherash dhe gurësh në rrugën nacionale, Kukës- Shishtavec. Por nga informacionet e marra nga Shtabi i Emergjencave të gjitha rrugët janë të kalueshme pa probleme pasi është bërë pastrimi i tyre.
