Trajneri i Tottenham, Jose Mourinho mund të cilësohet si një nga karakteret më të veçanta dhe më gazmor në botën e futbollit.
Është e rrallë të mos dëgjosh mbi veprimet qesharake të tij në ndeshje apo edhe jashtë tyre, duke dhuruar spektakël pa fund e tërhequr gjithmonë e më shumë mbështetës.
E fundit ka qenë ngjarja e ndodhur ditën e sotme në konferencën për shtyp,ku portugezi ka zgjedhur t’i bëjë vet pyetje vetes, në njëfarë mënyre duke injoruar gazetarët e pranishëm.
Sipas tij pyetja e parë është ajo që lidhet me merkaton dhe nëse është në pritje të ndonjë lojtari tjetër.
“Pyetja e parë: A po prisni për ndonjë lojtar përpara fundit të merkatos? Jo. Vazhdojmë me pyetjen e dytë: A je i lumtur me merkaton e klubit tënd? Po, jam. Pyetja e tretë: A të duhet ndonjë sulmues?”- u tha Murinho.
Me anë të kësaj “autointerviste”, tekniku portugez zbuloi se klubi i drejtuar prej tij nuk do të bëjë asnjë afrim ditën e sotme, që përkon dhe me afatin e fundit të merkatos së dimrit./Fjala.al/
