“BE-ja të miratojë një standard universal të karikuesve për celularët në të gjithë bllokun”, kjo ishte unanime e shumë eurodeputetëve.
Kjo kërkesë e eurodeputetëve kundërshtohet fortë nga Apple.
Një rezolutë jo detyruese votoi 582 në favor dhe 40 kundër për miratimin e një mbushësi të përbashkët për telefonat mobil dhe pajisjeve e tjera, transmeton Telegrafi.
“Shfrytëzimi i tepërt i mbushësve shkakton shpenzime të tepërta dhe bezdi për konsumatorët, po ashtu mbeturina për mjedisin”, thuhet në tekst.
Prandaj, ekziston një “nevojë urgjente për veprim rregullator të BE-së”, duke bërë thirrje për masa “deri në korrik të vitit 2020”.
Ideja për një karikues të vetëm u lëshua në vitin 2009 nga Komisioni Evropian dhe u prit me hezitim nga industria e telefonisë celulare që nga fillimi.
Komisioneri Evropian Maros Sefcovic premtoi se Komisioni do të trajtojë çështjen përmes “një kombinimi të opsioneve të politikave përfshirë masat rregullatore”.
Numri i llojeve të mbushësve megjithatë ka rënë ndjeshëm në 10 vitet e kaluara, nga 30 në tre sot.