Një ngjarje e rëndë ka tronditur Durrësin, teksa burri ka vrarë me thikë gruan e tij 33-vjeç. Ngjarja ka ndodhur pak para mesnate në Xhafzotaj të Durrësit, rreth orës 23:55.
Sipas burimeve zyrtare, shtetasi L.C.,45 vjeç, banues në Xhafzotaj, ka vrarë 33-vjeçaren në banesën e tij, për motive të dobëta, ku për pasojë gruaja ka ndërruar jetë.
Mësohet se çifti i bashkëshortëve kishin tre fëmijë, dy vajza dhe një djalë, ky i fundit 10 vjeç dhe është djali i madh i familjes.
Deri më tani dyshohet se shkak i këtij krimi të rëndë brenda familjes të jetë bërë xhelozia mes çiftit.
Lulzim Cuko dhe Manjola Cuko me origjinë nga Dibra, ndërsa prej vitesh jetonin në Durrës njihen ndryshe edhe me mbiemrin Lika.
45-vjeçari pasi ka kryer krimin është larguar nga banesa, ndërsa policia i është në ndjekje të tij. Tashmë, materialet do t’i kalojnë Prokurorisë për veprën penale “Vrasja për shkak të marrëdhënieve familjare”./Fjala.al/