Një video e cila po bën xhiron e rrjetit tregon se si policia arreston njerëzit e infektuar me koronavirus që tentojnë të largohen apo mos i nënshtrohen mjekimit.
Ngjarja ka ndodhur në Kinë, aty ku lindi edhe koronavirusi që deri më tani ka vrarë rreth 305 njerëz dhe ka infektuar me mijëra të tjerë.
Pamjet tregojnë se si një burrë përpiqet të largohet nga autoambulanca dhe menjëherë arrestohet nga policia për ta vendosur sërish në automjet.
Koronavirusi/ Shënohet viktima e parë jashtë territorit kinez
Koronavirusi ka shkaktuar viktimën e parë jashtë territorit kinez. Sipas mediave ndërkombëtare, viktima e parë është shënuar në Filipine.
Viktima është një 44-vjeçar kinez, i cili vinte nga Wuhan, në provincën Hubei, ku u zbulua për herë të parë virusi. Sipas, Organizatës Botërore e Shëndetit viktima ishte infektuar para mbërritjes në Filipine. Sipas shifrave zyrtare, koronavirusi iu ka marrë jetën 305 personave në Kinë deri më tani, ndërsa 14 mijë e 480 të tjerë janë konfirmuar të infektuar në të gjithë botën.
Ndërkaq, përfaqësuesi i OBSH-së në Filipine, Rabindra Abeyasinghe, tha se “Kjo është vdekja e parë e raportuar jashtë Kinës. Sidoqoftë, duhet të kemi parasysh që viktima nuk është infektuar në vendin tonë. Por, ky pacient ka ardhur nga epiqendra e virusit.”
Kjo është vdekja e parë jashtë kufijve të Kinës, në një kohë që të gjitha vendet kanë mbyllur kufijtë për udhëtarët që vijnë nga Kina, ndërsa autoritetet e ccdo vendi po punojnë për të kontrolluar mospërhapjen e mëtejshme të virusit./Fjala.al/
