Bayern Munchin i është kthyer fitoreve pas një periudhe jo shumë të mirë e me mungesë të triumfeve. Kampionët ende në fuqi të Gjermanisë kanë fituar me rezultatin 3-1 në transfertë ndaj skuadrës së Mainz 05.
Ata festuan pas kësaj ndeshjeje triumfin e 11 në 13 takime të drejtuara nga Hans Flick, duke bërë që bavarezët të vendosin kështu një rekord të ri në klubin e tyre dhe në Bundesligë, kampionati më i madh i futbollit në Gjermani.
Pas 20 javëve të para të këtij sezoni Bayern ka shënuar plot 58 gola, gjë e cila nuk ishte arrirë më parë. Shifrave të kampionëve këtë sezon u afrohet vetëm Borussia e Dortmund. Kjo skuadër mundi me rezultatin 5-0 Unionin e Berlinit këtë javë dhe numëron plot 56 gola./Fjala.al/
