Dokumenti/Zbulohet e shkuara problematike e kryebashkiakut të Librazhdit

113 563 lexime

124,178FansaPëlqeje

Lëvizja Qytetare Sopoti, me përfaqësues Rexhep Hanën është ajo që ka vënë në lëvizje prokurorinë e Përgjithshme duke kërkuar formularin e vetëdeklarimit nga Komisioni Qendror i Zgjedhjeve, për të verifikuar të kaluarën e kryebashkiakut të Librazhdit, Kastriot Gurra.

Sipas kallëzimit të depozituar pranë prokurorisë së Përgjithshme, theksohet se Rexhep Hana kërkon që të verifikohet dhe hetohet Kastriot Gurra, që është eprori i tij, pasi sipas tij, ka indice dhe dyshime se në vitet 2007-2008 kryebashkiaku aktual ka falsifikuar vulën e Drejtorit të Ujësjellësit në Librazhd.

Në atë kohë prokuroria me dosjen 994, nisi hetimet për Gurrën me akuzën se falsifikoi vulën e ujësjellësit për formimin e një bordi të ri me qëllimin vendosjen e një drejtori të ri në krye të ujësjellësit. Sipas kallëzimit, Kastriot Gurra në atë kohë u shpall në kërkim.

Pikërisht këtë pjesë të padisë së Rexhep Hanës, Kastriot Gurra nuk e ka pasqyruar në formularin e dekriminalizimit dhe për këtë sipas tij është në kushtet e ndalimit për t’u zgjedhur në krye të bashkisë së Librazhdit. 

Ekziston dyshimi i arsyeshëm se subjekti Kastriot Gurra, ndodhet në kushtet e ndalimit për të kandiduar dhe për t’u zgjedhur në një funksion të larte publik, në kuptim të nenit 2 të ligjit nr 138/2015. Ai në vitin 2008 ka qenë në hetim nga Prokuroria e Rrethit gjyqësor Elbasan për procedimin penal nr 944, vepra penale “Falsifikim i vulave i stampave ose formularëve, parashikuar nga neni 190 i Kodit Penal, neni 188 Kodi Procedurës Penale” thuhet në padi. Gjithashtu, Rexhep Hana i kërkon prokurorisë që të mbledhë provat, ndërsa PD-së i kërkon që të ndjekë këtë kallëzim. Hana shprehet gjithashtu se disponon dosjen e plotë 994 të vitit 2008 të prokurorisë dhe nëse i nevojitet organit të akuzës është gati t’ia vendosë në dispozicion. Kastriot Gurra, i cili fitoi zgjedhjet për bashkinë e Librazhdit më 30 qershor, i bashkohet listës së emrave të denoncuar, që kanë probleme me sistemin e drejtësisë, si Valdrin Pjetri i Shkodrës, (i dorëhequr), Agim Kajmaku i Vorës (në kërkim nga drejtësia) Mark Babani i Vaut të Dejës, Agron Malaj i Matit dhe Qerim Ismailaj i Mallakastrës./Fjala.al/

Të fundit

Kriza në RTSH/ Dy anëtarë të Këshillit Drejtues japin dorëheqjen

Pas paligjshmërisë së evidentuar pak ditë më parë kur me një vendim të paligjshëm u përjashtuan nga gara tetë...

Shtyu bashkëshorten drejt vetëvrasjes, jepet vendimi për Xhemal Lokën

Gjykata e Durrësit ka vendosur të dënojë me 10 vite burg Xhemal Lokën, i akuzuar se shtyu drejt vetëvrasjes bashkëshortes së tij, Bedrie Loka. Gjatë...

Akuzat për diplomën e Belind Këlliçit/Thërritet në SPAK nëndrejtoresha e “Harry Fultz”-it

SPAK ka thirrur nëndrejtoreshën e shkollës Harry Fullz Brikena Baxhaku, për çështje që është duke u hetuar Belind Kelliçi. Ajo do të japë shpjegime...

Kryeministri Rama: Shqipëria, mikpritëse e Kongresit Botëror të Ligjit në vitin 2027

Kryeministri Edi Rama, gjatë tryezës së diskutimit me përfaqësues të Bankës së Shqipërisë, tha se Shqipëria në vitin 2027, do të jetë mikpritëse e...

Arsyet mbeten të panjohura, OpenAI konfirmon ndërprerjen globale të shërbimit

ChatGPT gjatë ditës së djeshme ka përjetuar një ndërprerje në mbarë botën, siç konfirmohet nga OpenAI, zotëruesi i chatbot-it të inteligjencës artificiale, transmeton Anadolu. Sipas...

Lajme të tjera

Web TV