Sot dhe nesër do të organizohet konferenca ndërkombëtare në lidhje me luftën kundër antisemitizmit. Kjo konferencë organizohet nga kryesia shqiptare e OSBE-së.
Delegacionet zyrtare nga vendet pjesëmarrëse të OSBE-së, përfaqësues të organizatave ndërkombëtare dhe të përfaqësues të shoqërisë civile, do të jenë disa nga pjesëmarrësit kryesorë të kësaj konference.
Gjithashtu, në konferencë marrin pjesë edhe Rabini Andrew Baker, drejtor i Çështjeve Hebraike Ndërkombëtare në Komitetin Hebraik Amerikan.
Shqipëria është kryesuesja e radhës e OSBE-së. Me 57 shtete pjesëmarrëse Organizata për Siguri dhe Bashkëpunim në Evropë (OSBE) është organizata më e madhe rajonale e sigurisë në botë.
OSBE-ja punon për stabilitet, paqe dhe demokraci për më shumë se një miliard njerëz, përmes dialogut politik për vlerat e përbashkëta dhe punës praktike që sjell ndryshim jetëgjatë. /Fjala.al