Kur besohej se Mbret i Shqiptarëve do ishte Aladro, pinjolli i Kastriotëve

113 563 lexime

124,178FansaPëlqeje

Fakte të panjohura më parë vazhdojnë të bëhen publike herë pas here. Kështu edhe rasti në fjalë. Gazetari Armand Plaka ka botuar se fundmi në profilin e tij në Facebook, këtë status që hedh pak më shumë dritë rreth një segmenti të historisë shqiptare.

Pallati i Princit Aladro Kastriota, në Jerez De la Frontera

***

1902. Atëherë kur besohej se Mbret i Shqiptarëve do të ishte një pinjoll i Derës së Kastriotëve, për të cilin më shume se 10 vite me radhë nga 1900-1912 ishte folur e shkruar aq shumë, saqë ky fakt merrej thuajse i mirëqenë.

Fotot dhe kartolinat me imazhin e tij, të shoqëruar nga flamuri i Skënderbeut, linin të kuptonin se ai ishte kandidati i padiskutueshëm për fronin shqiptar.

Rrugës gara solli me vete edhe kandidatë të tjerë; francezë, italianë, turq, shqiptaro-egjiptianë, madje Ismail Bej Vlora pati propozuar edhe vetë Presidentin e SHBA-së ( nëse ky i fundit do të dëshironte – thoshte Plaku i Vlorës), por Aladro Kastriota ishte padyshim më i lakuari, më i raportuari në mediat e huaja dhe fletoret shqiptare në diasporë e në Shqipëri, e nga tjetër në fund edhe më i abandonuari, duke vjelë edhe talljet e Faik Konicës, pasi ky i fundit e kishte mbështetur fillimisht ndërsa drejtonte Revistën ALBANIA nga Brukseli.

Kjo kishte bërë që të rritej papritur edhe interesimi i Spanjës (normalisht një nga fuqitë më të painteresuara dhe më neutrale për fatin e Shqipërisë) dhe shtypit spanjoll, i cili po e ndiqte fatin e tij me kërshëri, duke sjellë shpesh artikuj, intervista, reportazhe dhe analiza rreth “çështjes shqiptare”, sikurse na shfaqet në këtë artikull të 2 prillit 1902 në “Nuevo Mundo”.

Fotoja tjetër është marrë nga arkivat spanjolle dhe na shfaq shtëpinë apo Pallatin e Princit Aladro Kastriota, në Jerez De la Frontera, një qytet i vogël spanjoll në Provincën e Cadiz-it, në rajonin autonom të Andaluzisë në jugperëndim të Spanjës.

Të fundit

Bixhozi “fundos” Bruno Mars, 50 milionë dollarë borxh në kazino

Gati 50 milionë dollarë borxh i ka kantautori i njohur Bruno Mars kazinosë MGM Grand në Las Vegas, borxh...

Festë e madhe sot në Tiranë/Nga Ramë Lahaj tek këngëtarja e njohur nga Maqedonia e Veriut

Tenori i famshëm Ramë Lahaj është një prej artistëve më të suksesshëm shqiptarë, zëri i të cilit ja ngritur peshë skenat më të mëdha...

Pjesëmarrja në seancat plenare, Apeli i GJKKO shtyn kërkesën e Berishës

Apeli i Gjykatës së Posaçme shtyu shqyrtimin e kërkesës së ish-kryeministrit Sali Berisha për ta lejuar të marrë pjesë në seancat plenare të Kuvendit. Në...

Investimet e huaja arrijnë rekord në vlerë, por investitorët realë nuk na duan

Në vitin 2022 investimet e huaja direkte arritën në 1.4 miliardë euro, duke shënuar një rekord historik. Edhe për 9 mujorin 2023, kur janë...

19 mars 1721 Klementi XI, vdes në Romë Papa me origjinë arbërore

Më 19 mars të vitit 1721, vdiq në Romë Klementi XI, Papë nga 1700 – 1721. Papa Klementi XI ishte papa i 243 i...

Lajme të tjera

Web TV