Vitin e kaluar Youtube ka fituar 15 miliardë dollarë nga reklamat.
Kompania mëmë e Google, Alphabet ka publikuar të dhënat që tregojnë se të ardhurat janë rritur vazhdimisht nga viti në vit. Në vitin 2007 janë arkëtuar 8.1 miliardë dollar, në vitin 2018 ka mbledhur 11.2 miliardë dollar për të arritur më pas në shifrën e jashtëzakonshme që u kap vitin e kaluar.
Kjo shifër nuk përfshin tarifat për të marrë shërbimin YouTube TV dhe të ardhura të tjera, të cilat, sipas CEO-s Sundar Pichai, janë rreth 3 miliardë dollarë në vitin 2019. Google gjithashtu zbuloi se ka arkëtuar 8,9 miliardë dollarë nga shërbimi “cloud” vitin e kaluar, që lejon ruajtjen e materialeve si foto dhe video online.
Pavarësisht se të ardhurat kapën shifrën e majme, ato ishin më të ulëta sesa pritshmëritë, me një diferencë të vogël.