Gjatë vizitës së tij në Washington, Presidenti Meta pati një takim edhe me Këshillin e Ambasadorëve Amerikanë.
Siç njofton zyra e shtypit, Presidenti Meta i njohu Ambasadorët me zhvillimet më të fundit në Shqipëri dhe në rajon, duke theksuar se vizita e tyre në vendin tonë do të jetë një kontribut i shtuar për forcimin e mëtejshëm të marrëdhënieve të shkëlqyera shqiptaro-amerikane.
Kreu i Shtetit ka nënvizuar se Shqipëria beson në angazhimin e domosdoshëm të SHBA në Ballkanin Perëndimor, si faktor kyç për paqen, sigurinë dhe demokracinë.
Në këtë kuadër, ai ka vlerësuar rolin që luan Këshilli i Ambasadorëve Amerikanë për forcimin e lidhjes sonë transatlantike.
Gjatë takimit, Meta ju përgjigj dhe interesit të tyre për çështje konkrete të zhvillimeve të fundit në Shqipëri dhe rajon.