Policia italiane ra në gjurmët e një rrjet të gjerë dhe të degëzuar të shpërndarjes së kokainës, heroinës, amfetaminës në sheshe dhe rrugë të ndryshme të qytetit të Asti.
Trafikantët shpërndanin drogë edhe përpara disa institucioneve arsimore, madje në një shkollë e mesme.
I gjithë ky grup i mirëstrukturuar kriminal u çmontua sot nga policia e Asti.
Mediat italiane raportojnë se policia gjurmoi grupin, i cili përbëhej nga italianë, tunizianë, nigerianë e shqiptarë. Njëzetë persona u arrestuan në kuadër të këtij operacioni, 11 tani, ndërsa mendohet se ky është një grup i mirfilltë kriminal që vepron në fushën e trafikut të lëndëve të ndryshme narkotike, shkruan La Stampa.
“Hetimet zgjatën një vit – tha komisarja Alessandra Faranda Cordella në një konferencë për shtyp – dhe rreth 30 mijë furnizime droge u gjurmuan, kurse janë sekuestruar rreth shtatë kilogramë”. Karabinierët, nën drejtimin e Loris Petrillo, punuan në 12 mijë orë përgjime dhe vëzhgime.
Sheshet kryesore ishin midis zonave të Corso Cavallotti, Piazza del Palio, stacionin e trenit, Via Atleti Azzurri, por edhe selia e përgjithshme e grupeve që merreshin me drogën. Në mesin e konsumatorëve ka edhe persona të mitur. Droga blihej çdo ditë dhe disa herë në ditë nga të dyshuarit që shkonin ta merrnin me tren në Torino. Lënda narkotike është fshehur në gojë, me qëllim që të gëlltitej, në rast se ndaloheshin nga policia.
Emrat e personave të arrestuar dhe masa e dhënë:
U mor masa “arrest me burg” për:
SCHIALVA Riçardo Francesco, 43 vjeç nga Asti;
CHAABENI Mahdi, 47 vjeç, tunizian;
MAMNI Ahmed, 36 vjeç tunizian;
SAIDI Mourad, Tunizian 40 vjeç;
BOUCHIBA Moez Ben Hassen, 43 vjeç tunizian;
SELMI Hafedh, tunizian 44 vjeç;
OHAMARA ONIEKA Kingsley, tunizian, 44 vjeçe;
ORIGLIA Pietro, 55 vjeç, italian nga Asti;
U vendos “arrest shtëpie” për:
BAGARINI Livio, 43 vjeç nga Asti;
BIGHI Massimo, 50 vjeç nga Asti
DEMARIA Paolo, 50 vjeç nga Asti;
FERRARA Antonio, 60 vjeç nga Asti;
KIPTIU Xhemal, shqiptar 53 vjeç;
VAÇA Michele, 48 vjeç nga Asti;
U dha masa e detyrimit të paraqitjes për:
O.M., nigerian 32 vjeç.
