Skuadra e Bayern Munchin duket se ia ka vënë syrin njërit prej lojtare të trajnerit Jurgen Klopp.
Gjermanët duan që të marrin në radhët e tyre sulmuesin kryesor të “Reds” dhe për këtë arsye ata kanë gati një shifër prej 100 milionë eurosh për të blerë kartonin e tij.
Firmino po shënon vazhdimisht për ekipin e Liverpool dhe është njëri nga më kryesorët që skuadra e tij është në krye të Premier Ligës.
Deri më tani në këtë sezon 28-vjeçari ka shënuar 10 gola dhe ka bërë 12 asistime në të gjitha garat e skuadrës së tij.
Megjithatë sulmuesi mund të largohet në fund të sezonit, pasi është bërë objektivi kryesor i Bayern Munich-ut.
Firmino ka një vlerësim shumë të lartë në Gjermani pasi edhe më parë ka qenë pjesë e Bundesligës dhe e njeh shumë mirë kampionatin.
Braziliani ishte për katër vite pjesë e Hoffenheim (2011-2015) para se të kalonte te Liverpool për 41 milionë euro.
Megjithatë vetë klubi anglez e vlerëson shumë 28-vjeçarin dhe vështirë se do ta lejoj largimin e tij, por bavarezët janë të vendosur për të provuar fatin nëse do të mund ta bindin kampionin e Evropës për të./Fjala.a/
