‘Kosova’/Serbët ‘sulmojnë’ SHBA-të: Do na mbrojë Angela Merkel

113 563 lexime

124,178FansaPëlqeje

Mediat serbe janë hedhur në sulm ndaj Shteteve të Bashkuara të Amerikës lidhur me rolin e saj për zgjidhjen e çështjeve të mbetura pezull midis Prishtinës dhe Beogradit.

Sipas tyre, interesat gjermane nuk do të lejojnë Shtetet e Bashkuara të Amerikës, që të marrin drejtimin e dialogut midis Kosovës dhe Serbisë.

Ato e lidhin këtë pretendim me ftesën që Angela Merkel i ka bërë kryeministrit të ri të Kosovës, Albin Kurti dhe presidentit serb Aleksandër Vuçiç për t’u takuar në Berlin.

Ish-diplomati, Zoran Milivojeviç thekson se Gjermania është e angazhuar që të marrë rejtimin e procesit të dialogut midis dy vendeve duke sugjeruar edhe kryenegociatorin, Miroslav Lajçak si të dërguarin e BE-së në këtë këto bisedime.

Është mjaft e qartë se Gjermania dëshiron të përfshihet në këtë proces dhe nuk do t’i lërë amerikanët që të drejtojnë dialogun mes Prishtinës dhe Beogradit, pasi në lojë janë edhe interesat gjermane”, tha Milivojeviç.

Sipas tij, ekziston një ndryshim i madh midis përqasjeve amerikane dhe gjermane për zgjidhjen e kësaj çështjeje.

Qasja amerikane është më pragmatiste dhe kërkon të arrihet një rezultat, pavarësisht se cili është ai. Ndërsa qasja gjermane është në linjën e një qëndrimi të njohur tashmë, që është njohja e realitetit në kontekstin aktual, që do të thotë se Kosova është pjesë e Serbisë”, shpjegon ish-diplomati.

Ai shprehet gjithashtu se Gjermania dëshiron të përfitojë nga pozicioni i saj dhe kërkon të kapërcejë amerikanët duke lajmëruar hapjen e transportit hekurudhor dhe ajror midis Beogradit dhe Prishtinës.  Për këtë arsye, Berlini kërkon të imponojë një platformë për të zgjidhur çështjet mes Kosovës dhe Beogradit.

Gjermania po i lë SHBA-ve të kuptohet se është një çështje evropiane dhe se kompetenca e saj ka dy qëllime: së pari të mbrojë interesat e BE-së në funksion të një gjeopolitike të re të Evropës. Motivi i dytë i Gjermanisë është edhe më specifik; interesin historiko-gjeo-strategjik. Ajo e sheh këtë hapësirë ​​nën sferën e saj të ndikimit dhe nuk dëshiron la lërë të ikë nga duart”, shprehet Milivojeviç. Sipas ish-diplomatit, ajo që është interesante është konteksti në të cilin po zhvillohet e gjithë kjo; Gjermania kërkon të shmangë ndikimin amerikan, ndërsa gjysmën e dytë të këtij viti Gjermania merr presidencën e radhës së BE-së, raporton B92.

Lexo edhe :  Feston sot ditëlindjen/ Meta shfaqet "në majë të hekurave", e dielë plot aventura

Mundësitë që të arrihet në një dialog midis Kosovës dhe Serbisë janë gjatë presidencës gjermane. Dhe nuk duhet harruar se ky është viti i fundit i Angela Merkelit si kancelare, ku ajo duhet të tregojë kulmin e ndikimit të saj”, përfundon Milivojeviç.

Megjithatë, gjithçka pritet nga takimi në Berlin, midis Angela Merkelit, Albin Kurtit dhe presidentit serb, Aleksandër Vuçiç se cila do të jetë metodologjia  që do të ndiqet për të zgjidhur çështjet midis dy vendeve dhe se cili do të jetë roli i Gjermanisë në këtë proces.

Të fundit

Dosja “5 D”/ Korrupsion dhe shpërdorim detyre, SPAK  lëshon 9 masa sigurie

Prokuroria e Posaçme kundër Korrupsionit dhe Krimit të Organizuar dha detaje për arrestimin e 9 personave, zyrtarë dhe ish-zyrtarë...

Horoskopi për ditën e sotme, 29 Mars 2024

Dashi Mund të keni bërë shumë shpenzime në të kaluarën dhe tashmë mund t’ju duhet të përballeni me pasojat. Si rezultat, mund ta gjeni veten...

“U largova nga futbolli pasi nuk e njihja më”,Klose: Të rinjtë e kanë mendjen tek makinat

Miroslav Klose është një nga ata që ka shkruar historinë me fanellën e kombëtares së Gjermanisë, por edhe Bayern Munich. I tërhequr nga futbolli...

Shtatzënia përshpejton plakjen, por ja çfarë ndhodh pas lindjes

Ndryshimet e thella fizike, hormonale dhe kimike që lidhen me shtatzëninë mund të bëjnë që ora e plakjes të kthehet më shpejt, duke i dhënë moshës biologjike të...

Lajme të tjera

Web TV