Skuadra e Barcelonës nuk e ka më në planet e saj lojtarin Philipe Coutinho dhe për këtë arsye drejtuesit e klubit kanë vendosur të ulin shumë çmimin e kartonit të tij.
Çmimi fillestar i kartonit të tij ishte 120 milionë euro, ndërsa tashmë blaugranët janë të gatshëm ta shesin edhe për 80 milion euro, raporton “Daily Express”. Megjithatë braziliani tashmë nuk bën pjesë as në planet e Bayern Munich, skuadër e cila ka fjalën e parë për të blerë kartonin e tij,ndërsa ndodhet në formë huazimi deri në fund të sezonit.
Por pavarësisht se në këto dy klub është i padëshiruar, Coutinho ka admirues në Liverpool. Trajneri gjerman i “Reds”, Jurgen Klopp do ta donte një rikthim të tij në Angli, por vetëm nëse do të kalonte Firmino në Bayern. Megjithatë duket se Bayern ka gati 90 milionë euro për Firmino, nëse ai do të largohet nga skuadra e Liverpool./Fjala.al/
