Ish-trajneri i skuadrës së Barcelonës, Ernesto Valverde, i cili u shkarkua nga stoli i katalunasve në fund të vitit të kaluar për shkak të performancës së ulët ka thënë se nuk është i tunduar nga një transferimi në Angli.
Ofertat në drejtim të spanjollit nuk mungojnë dhe Valverde është pyetur rreth një trajnimi të ndonjë klubi anglez, por ai është shprehur se do preferonte Australinë në vend të Anglisë.
“Njerëzit më pyesin ndonjëherë: A do të shkosh në Ligën Premier? dhe unë them ‘Epo në të vërtetë do të doja të shkoja në Australi’. Një karrierë në futboll nuk zgjat përgjithmonë dhe ndonjëherë mendoni se duhet të shfrytëzoni mundësinë për të jetuar në vende të çuditshme. Është e mundur që unë do të shkoja diku jashtë vendit. E vërteta është se unë do të doja të bëja gjëra të çuditshme, kështu që nuk do t’i përjashtoja”,-ka thënë ndër të tjera Ernesto Valverde./Fjala.al/
