Më 17 dhe 18 qershor do të zhvillohet në Tiranë Ministeriali i Mbrojtjes i NATO-s. Shqipërisë i është besuar për herë të parë organizimi i rëndësishëm i aleancës më të madhe ushtarake në botë.
Për herë të parë në 10 vite, ministrat e Mbrojtjes së vendeve anëtare të NATO-s do të largohen nga Brukseli për t’i mbledhur në Tiranë. Lajmi është konfirmuar nga Olta Xhaçka, ministrja shqiptare e Mbrojtjes.
“Vendimi i Aleancës për t’u takuar në Shqipëri është jo vetëm vlerësim maksimal për sigurinë që vendi ynë përcjell si një aleat i denjë, por edhe një mesazh i fortë i NATO për vëmendjen e saj ndaj Ballkanit Perëndimor e rolit të fortë që Shqipëria luan sif aktor stabiliteti në rajon. Takimi i rëndësishëm që pritet të mbahet në Qershor është njëherësh edhe përgjegjësi për t’u përfaqësuar sic duhet në eventin më të madh që pas anëtarësimit tone në NATO, 11 vjet më parë. Është një sipërmarrje që krahas koordinimit mes të gjitha institucioneve do të tregojë edhe seriozitetin tonë për të qenë për 48 orë kryeqendra e mbrojtjes dhe sigurisë në botë”, është shprehur Xhaçka.
