“Rama sapo akuzoi NATO-n dhe justifikoi Rusinë për situatën në Ukrainë e jo vetëm…”.
Kështu e nis reagimin e tij nënkryetari i PD, Edi Paloka, i cili referuar deklaratave të kryeministrit Edi Rama gjatë Konferencës së Sigurisë në Mynih, shprehet se “nën veshjen e kryesuesit të OSBE-së, Rama sapo deklaroi live se Rusisë nuk mund ti vihet faj për sjelljen e saj në rajon “përderisa ajo të ndjehet e rrethuar nga NATO…”
Sipas Palokës, Kryeministri i një vendi antar të NATO-s , bën këtë deklarate përpara takimit të afërt me Putin!
“Duket se asgjë nuk vjen rastësisht; as deklaratat e hershme të Ramës për një plan B të tij jashtë BE; as miqësia e ngushtë me Vuçiçin; as lancimi propagandimi dhe mbështetja i ideve ruso-serbe fillimisht për ndarjen e Kosovës e me pas për minishengenin…”
Kujtojmë se, më 26 shkurt është programuar një vizitë e kryeministrit Edi Rama në Moskë.
“Tani pritet të dalë në konferencë Tao Balla e të akuzojë Bashën si agjent të Rusisë“, mbyll reagimin e tij nënkryetari i PD.
