Eksperti i ekonomisë dhe financave Arben Malaj flet për sfidat që ka Shqipëria pasi siguroi fondet për rindërtimin.
“BE dha një mesazh që i mungon Ballkanit; Europa është këtu, e organizuar në bazë të solidaritetit, ju jeni pjesa jonë. Shuma e arkëtuar, duhet vlerësuar donatorët por dhe Kryeministri. Zakonisht nuk arrihet shuma e kërkuar në konferenca e donatorëve. Është arritur të merren 400 milionë euro grante.
Shifra është më e madhe se nevoja. Gjithçka është pjesa e implemtimit. Ndërtimi i shtëpive është rreth 600 milionë euro. Sfida do të mbetet përgjegjësia në implementim dhe transparenca. Donatorët janë optimistë në fillim. Problemi do të nisë pasi vende të ndryshme kanë probleme të ndryshme. Puna më e vështirë do të jetë përdorimi efektivë i ndihmës. Strehimi është problemi kryesor, shëndetësia, arsimi, furnizimi me ujë etj.
Ka probleme me të papunët, ka probleme me njerëzit që kanë humbur bizneset. Në këtë aspekt, sapo shifra të deklarohet, qeveria do të duhet të qartësojë procedurat e çdo donatori. Do duhet të përputhen prioritetet e rindërtimit me ato që kanë donatorët. Vende të ndryshme kanë përcaktuar prioritete të ndryshme. Koordinimi i donatorëve është një proces jo i lehtë.
Stabiliteti i financave publike nuk cenohet, pasi janë garantuar 400 milionë euro grante. Këto janë para që futen në ekonomi. Me këto para ekonomia shqiptare mund të ringrihet. Nëse rritja ekonomike do rritet sa duhet, do kompesojë edhe këtë deficit të vitit të kaluar”, tha Arben Malaj në studion e Ora New.
