Policia italiane ka bërë me dije se mëngjesin e djeshëm ka mundur të bllokojë një skaf me drogë dhe të vërë në pranga një shtetas të tyre.
Zyrtarisht saktësohet se një sasi prej gati 500 kg lëndë narkotike, që dyshohet se vinte nga Shqipëria është sekuestruar nga autoritetet italiane.
Mediet fqinje bëjnë me dije se droga është zbuluar në fundin e dyfishte të një skafi, ndërkohë që në pranga është vënë një shtetas italian.
Kontrolli u bë dje përgjatë rrugës provinciale që lidh Leçen me Torre Chianca. Një patrullë e policisë ka dyshuar për një automjet jashtë rruge që synonte të tërhiqte një varkë gati 6 metra, pa të dhëna identifikimi, me një motor të madh.
Megjithëse varka ishte e destinuar për peshkim, efektivët patën dyshime dhe bënë një kontroll. I ndaluari ka pasur edhe më herët precedentë në fushën e trafikut të drogës. n.k/Fjala.al/
