Natë e përgjakshme në Hanau (Hessen) ku humbën jetën 11 persona ka tronditur jo vetëm Gjermaninë. Autori i krimit të rëndë mësohet se u gjet i pajetë në një banesë bashkë me një person tjetër dhe afër vetes kishte edhe një letër në të cilën shkruante arsyet se përse e kishte bërë sulmin. Sipas Bild ai quhet Tobias R., dhe mendohet se në vendin ku u gjet i vrarë ishte edhe banesa e tij. Të shtënat e para u qëlluan në lokalin “Midnight” në Heumarkt, në qendër të qytetit Hanau.
Autori mësohet se ka nxjerrë armën dhe më pas ka qëlluar egërsisht në zonën e pirjes së duhanit! Viktimat aty ishin pesë të rinj dhe një grua. Sipas informacionit të BILD thuhet se viktimat ishin kurdë.
Skena e dytë e krimit është afër Kurt-Schumacher-Platz, në një zonë banimi. Ishte një kioskë në katin e parë të një blloku apartamentesh, me mbishkrimin “24/7 Kiosk” me panel të madh xhami në të cilin shkruhej: “Arena Bar & Café”! Pamja brenda janë bllokuar, por ajo ç`ka ka mbetur jashtë është vërtetë e tmerrshme. Trupat e pajetë në momentin që mbërritën mediet vendase ishin të mbuluar me batanije.
Letra e vrasësit!
Në banesën ku u gjet i pajetë vrasësi, autori i dy sulmeve në Gjermani mësohet se ishte shkruar edhe qëllimi. Ai mendonte se Gjermania e tij ishte populluar nga njerëz që s`duhet të ishin aty dhe për pasojë ai nuk mund të jetonte me ta. “Ndjej nevojën për t`i shkatërruar disa popuj, dëbimi i të cilëve nuk mund të arrihet më nga Gjermania”!
Autoritete gjermane ende nuk janë shprehur në lidhje me jetën dhe aktivitetin e vrasësit, ndërkohë mësohet se viktimat janë të gjithë turq dhe kurdë.
Fjala është e lirë. Liria është fuqi!
E-mail : info@fjala.al
Ndalohet kopjimi, riprodhimi, publikimi i paautorizuar qoftë origjinal apo i modifikuar në çfarëdo mënyre, pa lejen paraprake të Fjala.al. Shfrytëzimi i materialeve nga ndonjë faqe interneti a medium tjetër pa lejen e FJALA.al, është shkelje e të drejtave të autorit dhe të pronës intelektuale sipas dispozitave ligjore në fuqi.
FJALA MEDIA GROUP
NUIS/NIPT : L92423005H