Një person ka mbetur i plagosur në një sulm me thikë brenda një xhamie në Londrën qendrore . Sulmi ndodhi gjatë lutjeve të pasdites, pas orës 15:00 në Xhaminë Qendrore të kryeqytetit.
Autoritetet britanike kanë konfirmuar në një deklaratë për shtyp se sulmuesi është arrestuar menjëherë për “vrasje të mbetur në tentativë“.Pas sulmit, Policia e Londrës ka njoftuar se, për momentin incidenti nuk po hetohet si një akt terrorist .
A racist white terrorist ran into Regents Park Mosque during Asr prayer today (late afternoon prayer) and stabbed the Muaddin in the neck. This is absolutely terrible. No muslim is safe in their places of worship!! #regentspark pic.twitter.com/Asks4IRLEB
— Murshid (@MurshHabib) February 20, 2020
Sipas disa besimtarëve që ndodheshin në vendngjarje agresori, 29 vjeç, kishte filluar të frekuentonte xhaminë që prej gjashtë muajsh.
Autoritetet deklaruan se i plagosuri është një burrë rreth 70 vjeç dhe ndodhet jashtë rrezikut për jetën. Njëri nga dëshmitarët shpjegoi se agresori po lutej pas viktimës para se ta godiste atë me thikë në shpinë. Në momentin e incidentit, gjatë namazit të pasdites brenda xhamisë kishte rreth 100 vetë./Fjala.al