Zyra e Prokurorit të Përgjithshëm Bullgar njoftoi të hënën se ka hapur një hetim për botimin e fundit në Gazetën e Katalonjës të informacionit për një çështje që tregonte rreth përfshirjes së supozuar të kryeministrit bullgar, Boiko Borisov, në një degë të pastrimit të parave në Barcelona.
Ai do të merret në pyetje në kuadër të këtij hetimi.
“Për të sqaruar të dhënat e publikuara që kërkojnë të zbulojnë një krim, Prokuroria do të kërkojë informacione zyrtare nga autoritetet spanjolle përmes mekanizmit të bashkëpunimit gjyqësor ndërkombëtar,” tha Prokuroria Bullgare përmes një deklarate.
“Në kuadër të hetimit, do të kërkohen shpjegime të të gjithë personave të përmendur në botimin gazetaresk dhe do të kërkohet i gjithë dokumentacioni i transaksioneve të pretenduara të bëra prej tyre“, shton shënimi.
Burime të prokurorit të konsultuara nga EFE në Sofje, sqaruan sot se prokurorët gjithashtu planifikojnë të marrin në pyetje Borisov, drejtpërdrejt ose me shkrim.
Gazeta spanjolle “El Periódico de Catalu” publikoi një artikull në lidhje me një hetim të Mossos dhe Anti-Korrupsionit mbi pastrimin e pretenduar të pastrimit të parave “duke vënë gishtin” tek Borisov.
Sipas medias spanjolle përfituesi kryesor është Borislava Yovcheva, një modele bullgare, e cila dyshohet se ka lidhje me Borisov. Yovcheva dhe babai i saj, një elektricisti i vjetër janë pronarë të dy kompanive në Barcelonë, të cilat rikuperojnë më shumë se një milion euro në vit që prej 2013.
Duke folur para gazetarëve në samitin e BE, Borissov hodhi poshtë pretendimet, duke thënë se Rusia dhe presidenti bullgar Rumen Radev janë prapa asaj që ai e quajti një tentativë për ta “goditur”. Kryeministri tha se ai do të jepte dorëheqjen, nëse edhe një grimcë e pretendimeve rezultonte e vërtetë.
Ndërkohë sipas medias spanjolle policia katalanase dhe Zyra e Prokurorisë Kundër Korrupsionit po hetojnë nëse Borisov është i lidhur me një komplot ndërkombëtar të “pastrimit të parave” me destinacionin përfundimtar në Barcelonë.
Raportohet se, një vilë me vlerë 3 milion € dhe pasuri të tjera të shtrenjta, për një total prej 5 milion eurosh, është blerë në Barcelonë nga dy kompani të lidhura me ish-modelen bullgare, për të cilin thuhet se ka pasur një marrëdhënie me Borissov-in.
Burimi: https://www.lavanguardia.com/
