Rumania ka konfirmuar rastin e parë me koronavirus, personi i infektuar është një burrë që kishte udhëtuar tre javë më parë në Itali.
Sipas medias rumune Realitatea, personi i infektuar është futur në karantinë, në repartin e sëmundjeve infektive në spitalin “Matej Bals”, në Bukuresht.
Deri më tani nga koronavirusi, Covid-19, kanë humbur jetën mbi 2.600 persona, në Kinë, ku edhe ka shpërthyer epidemia e më pas u zgjerua në 29 vende tjera të botës.
Rastet e konfirmuara me koronavirus kanë shkuar mbi 80 mijë, në Evropë situata është më e rënduar në Itali, ku kanë humbur jetën 10 persona dhe janë infektuar më shumë se 320.
Sipas mediave rumune, rreth 1.3 milionë qytetar të Rumanisë punojnë në Itali dhe kjo rrit ndjeshëm gjasat që virusi të shpërndahet më shumë në këtë shtet.
