Konfirmohet rasti i parë me koronavirus në Maqedoninë e Veriut. Lajmin e konfirmoi ministri maqedonas i Shëndetësisë Venko Filipçe
Në një konferencë të jashtëzakonshme, Filipçe ka bërë të ditur se koronavirusi ka mbërritur në Maqedoninë e Veriut.
Bëhet fjalë për një paciente të ardhur nga Italia që ka rezultuar pozitive gjatë testit të zhvilluar në orët e pasdites në Infektologji.
Pas analizave të bëra në Klinikën Infektive pacientja ka rezultuar pozitive. Ajo është e shtruar në repartin e infektologjisë, por është në gjendje stabile.
Pacientja ka qenë në Itali për një muaj, po në Itali nuk ka qenë e trajtuar nga mjekët.
