Skuadra e Kukësit nuk ia ka dalë të fitojë ndonëse u duk se ishte shumë afër 3 pikëshit në takimin me Teutën.
Durrsakët ia kanë dalë që të barazojnë në minutat shtesë të ndeshjes së vlefshme për javën së 24-t të Kategorisë Superiore.
Të parët që shënuan ishin “Djemtë e Detit” , të cilët zhbllokuan rezultatin në minutën e 22-ë të lojës me anë të një penalltie të realizuar nga Sherif Kallaku.
Do të ishte Vasil Shkurtaj ai që do të barazonte rezultatin për ekipin e Kukësit në minutat shtesë të pjesë së parë dhe po ai do e kalonte skuadrone Shpëtim Duros në avantazh duke shënuar golin e dytë me anë të një penalltie në minutën e 64-t të lojës.
Ndërsa në minutat shtesë të pjesës së dytë që ishin plot 7 të tilla skuadra e “Djemve të Detit” ia kanë dalë që të barazojnë rezultatin duke marrë 1 pikë nga ky takim. Ishte Sherif Kallaku ai që bëri dygolshin për ekipin e Teutës, duke i marrë fitoren nga duart verilindorëve në momentet e fundit të lojës.
Ndërkohë më poshtë po ju rendisim rezultatet e të gjitha ndeshjeve të javës së 24-t të Superligës.
Tirana-Partizani 5 me 1
Bylis-Flamurtari 0 me 0
Vllaznia-Skënderbeu 0-1
Luftëtari-Laçi 0 me 2
Teuta-Kukësi 2 me 2/Fjala.al/
