Një aksident i rëndë ka ndodhur paraditen e sotme në qytetin e Vlorës. Aksidenti ka ndodhur rreth orës 10:30 në aksin rrugor Vlorë-Skelë, pranë teatrit të qytetit.
Sipas dëshmitarëve, një motor ka përplasur një këmbësor duke i shkaktuar atij plagë të mëdha. Ndërsa rruga është mbuluar nga gjaku dhe qytetarët janë dëshmitarë të një aksidenti shumë të rëndë.
Mësohet se kalimtari i cili ka mbetur i plagosur është rreth 65 vjeç. Ai është transportuar për në spital ku ndodhet në gjendje të rëndë, raporton BW.
Aksidentet në bulevardin Vlorë-Skelë janë të shpeshta, si pasojë e rrugës së ngushtë dhe vështirësive në parkimin e makinave.
