Policia ka shoqëruar në komisariat djalin që hodhi lëndën ‘helmuese’ në shkollë duke bërë që 30 nxënës të ‘Janaq Kilicës’ në Fier të përfundojnë në spital.
Sipas informacioneve paraprake, mësohet se nxënësi është banor në fshatin Kurjan të Fierit dhe njihet si nxënës shumë problematik. Ai dyshohet gjithashtu se ka hedhur 1 javë më parë lëndën helmuese, kur disa nxënës përfunduan në spital me shenja helmimi. Ndërsa u justifikua se bëri shaka.
Njoftimi i policisë: Sot rreth orës 11:10, në spitalin Rajonal Fier kanë shkuar për kontroll mjekësor disa nxënës të një shkolle të mesme që kanë pasur probleme me frymëmarrjen.
Menjëherë në vendngjarje kanë shkuar shërbimet e Policisë dhe grupi hetimor dhe nga veprimet e para të kryera në bashkëpunim të ngushtë me Prokurorinë Fier, Drejtorinë Arsimore dhe Drejtorinë e Shkollës, paraprakisht dyshohet se është përdorur sprajt piperi nga një nxënës i kësaj shkolle.
Grupi hetimor nën drejtimin e Prokurorisë vijon veprimet për të zbardhjen e plotë të kësaj ngjarje.
