“Jonida Maliqi më ka 1500 euro borxh dhe një çantë” zënka me shoqen e ngushtë përfundon në gjykatë
Alba Danaj, blogerja dhe njëkohësisht ish-shoqja e ngushtë e Jonida Maliqit, ka shpërthyer keq ndaj saj.
Me anë të një statusi në Instastory, Alba ka publikuar një deklaratë të Maliqit, e cila e ftuar në “Klanifornia”u shpreh se çantat super të vogla nuk i koncepton dot pasi aty nuk ke çfarë të fusësh.
Danaj ka thënë se Jonida është ‘fasadë’ dhe se fillimisht duhet të lajë borxhet që ka.
“Hahaha se në fakt u këpute duke blerë të mëdha. Laj borxhet e atyre që ke mi fasadë dhe pastaj fol e komento për çanta. Mjerë në duart e kujt ka ngelur opinioni për modën,” shkruan Alba mbi foto.
Pas këtyre akuzave, Maliqi ka thënë se do ta padisë ish-shoqen e saj të ngushtë. “Faleminderit që më telefonuat. Shumë pak e bëjnë. Dua t’ju siguroj që s’i kam ngelur kurrë borxh askujt! Ndoshta më kanë ngelur. Megjithatë e vërteta nuk tradhton kurrë e nuk le askënd në baltë. Kushdo që akuzon duhet të bazohet diku. Zyra ime juridike këtë herë do të merret seriozisht me çështjen deri në fund dhe palët do marrin përgjegjësitë përkatëse,” u shpreh Maliqi për revistën Class.
Alba ka reaguar ndaj kësaj deklarate të Jonidës dhe ajo ka thënë që është gati. “Sinqerisht nuk kam nevojë për këtë dramë por shpresoj të ngelë me kaq. Ajo po të dojë le të merret me këtë gjë. Jam këshilluar me avokatin tim këtu dhe çdo mesazh do e përdor në rrugë legale dhe jo mediatike. Nuk dua të merrem më me këtë temë kaq banale”, përfundoi ajo.
