Kosova vijon të mbetet e paprekur nga koronavirusi. Instituti Kombëtar i Shëndetësisë Publike të Kosovës (ISHPK) ka bërë të ditur testet mbi pesë pacientë, të dyshuar me koronavirus dhe pas analizave laboratorike ata kanë rezultuar negativë.
“Nga data 08.02.2020 deri me 09.03.2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 62 mostra të dyshimta në virusin SARS-CoV-2 dhe të gjitha kanë rezultuar negative”, thuhet në njoftim.
Edhe Komiteti për koordinimin dhe vlerësimin e situatës lidhur me koronavirusin në Kosovë zhvilloi sot një takim për të shqyrtuar situatën epidemiologjike në Kosovë lidhur me Covid-19. Pas mbledhjes, ministri i Shëndetësisë, Arben Vitia bëri të ditur se deri tani janë testuar 57 raste të cilat kanë rezultuar negative.
