Skuadra e Paris Saint-Germain arriti që të kualifikohej për fazën tjetër të Champions League, duke përmbysur rezultatin 2-1 të marrë nga Dortmund në takimin e parë të fazës së 1/8-ave të këtyre skuadrave.
PSG-ja fitoi 2-0 në Paris, në një takim me dyer të mbyllura për të evituar përhapjen e virusit të rëndë që ka prekur një numër të madh shtetesh.
Këtë rezultat mbrojtësi i parisienëve, Lajvin Kurzava e festoi në mënyrë të gabuar, duke u përqafuar me tifozët e mbledhur jashtë “Parc des Princes”.
Futbollisti që u aktivizua në 10 minutat e fundit të ndeshjes, doli nga rrethimi i stadiumit për të përqafuar mbështetësit e ekipit të tij, të cilët ishin mbledhur jashtë stadiumit për skuadrën e tyre të zemrës.
Kurzava u shfaq pas ndeshjes në daljen e “Parc des Princes” me fanellën veshur dhe iu bashkua masës së tifozëve, mes përqafimeve, puthjeve dhe natyrisht fotove të pashmangshme, duke thyer normat e sigurisë anti-koronavirus./Fjala.al/
PARANDALO, MOS RREZIKO VETEN DHE TË AFËRMIT NGA KORONAVIRUSI
