Konfirmimi i rastit të pestë me koronavirus në qytetin e Fierit ka futur në karantinë 15 mjekë. Gruaja që rezultoi pozitive ndaj testit të koronvirusit ishte kthyer me 6 mars nga Italia përmes portit të Durrësit dhe këtë fakt e kishte fshehur.
Pas ka shfaqur shqetësime me shëndetin ajo ka shkuar në spitalin e Fierit 5 ditë pas kthimit, ku ka marrë ndihmë mjekësore pasi ka qenë me temperaturë dhe më pas është larguar për në shtëpi. Ndërsa një ditë më pas ka shkuar sërish në spital me probleme në frymëmarrje, por edhe pas insistimit të mjekëve nuk ka treguar që kishte qenë ne Itali, por u ka thënë se problemet respiratore i ka pas edhe më parë.
Pasi është kontrolluar në sistemin TIMS , ka rezultuar se e 61-vjeçarja kishte hyrë në vendin tonë në 6 mars, duke bërë që t’i merret mostra për analizim. Teksa ka pritur përgjigjen e analizës, gruaja është shtruar në spital dhe ka qëndruar e vetme në një dhomë në repartin e pathologjisë.
Pas daljes së përgjigjes pozitive ndaj virusit të rrezikshëm dhe duke parë gjendjen shëndetësore jo të mirë të gruas, kjo e fundit është nisur në Tiranë, ndërsa mjekë, infermier dhe staf ndihmës janë vendosur në karantinë.
Ndërsa mjediset e spitalit janë dezifektuar vazhdimisht dhe janë marrë masa që të mos ketë mungesë stafi./Fjala.al/
