Koronavirusi/ Këngëtari i cili këndoi para 60 personave, rezulton i infektuar, të gjithë pjesëmarrësit në rrezik
Muhamet Sejdiu, këngëtari nga Kosova ka rezultuar i prekur nga koronavirusi. Para se të ishte në dijeni se ishte mbartës i virusit, ai ka kryr një sërë aktivitetesh së bashku me gruan e tij.
Sipas mediave kosovare, më datë 13 mars, vetëm pak ditë para se Sejdiu të kryente analizën, ai ka qenë në një festë (aheng) dhe ka kënduar para më shumë se 60 personash. Të gjithë në një foto, ku i pranishëm ka qenë edhe këngëtari tjetër Shkëlzen Jetishi, e kanë ndarë këtë moment në rrjetet sociale.
“Kundër koronavirus”, shkruhet krah fotos ku të gjithë shihen të përqafuar. Pas kësaj festë, Sejdiu është nisur drejt Gjermanisë dhe u kthye vetëm një ditë më parë. Pasi keu testin rezultoi pozitiv me koronavirus.
Pritet që të gjithë ata që kanë marrë pjesë në këtë aheng dhe familjarët e tij të bëjnë teste për të parë nëse ai ka infektuar edhe të tjerë.