Duke folur për situatën e krijuar nga koronavirusi në vend, në emisionin e ‘Open’ në Top Channel, ku i ftuar ishte edhe kryeministri Edi Rama ka ndodhur diçka e pazakontë.
Moderatorja Eni Vasili lexon një mesazh që sipas saj ia kishte dërguar Lulzim Basha. Ky i fundit i këkronte kreut të qeverisë Edi Rama që t’i linte postin e kryeministrit dhe drejtimin e kabinetit ta merrte ai.
Basha nëpërmjet Vasilit, i ka dërguar një mesazh Ramës: “A jeni i gatshëm që të ma lini mua postin e kryeministrit dhe të bëhem unë kryeministër”, thuhej në mesazhin që lexoi Vasili.
Më mas, kjo e fundit tha se mesazhi nuk ishte i dërguar nga Lulzim Basha pasi vetë ky i fundit e hodhi poshtë duke i dërguar një mesazh sipas të cilit theksonte: “Eni sapo më informuan, nuk kam çuar asnjë mesazh dhe emisionin nuk e ndiqja. Herë tjetër kontrollo zyrat e propagandës se është bërë shkelje.”
Çfarë i tha në emision:
Eni Vasili: Më shkruan zoti Basha, pyete zotin Rama, a është i gatshëm të japë dorëheqjen dhe të ma kalojë mua drejtimin e qeverisë?
Edi Rama: Ja urdhëro, urdhëro. Po je e sigurtë që është ai personalisht?
Eni Vasili: Po bazuar në komunikimet e mëparshme, ai është…
Edi Rama: Nuk duhet t’ia vëmë re se mesa duket është në gjumë dhe e shtyp tastierën duke parë ëndrra. Si mund ta bëjë këtë pyetje.
Edi Rama: Unë them që dikush i ka marrë telefonin se s’ka mundësi. Është e pamundur. Ai është në autobus.
Eni Vasili: Një sekondë, më duhet ta them edhe këtë. Basha më shkruan: “Eni sapo më informuan, nuk kam çuar asnjë mesazh dhe emisionin nuk e ndiqja. Herë tjetër kontrollo zyrat e propagandës se është bërë shkelje.”
Eni Vasili: Edhe njëherë nuk e di se si ka ardhur ajo SMS.
