Këngëtari Robert Berisha është kthyer nga Stambolli i Turqisë në Kosovë. Sapo ka zbritur në Prishtinë ai është dërguar në karantinë.
Sipas rregullores, bashkë me të gjithë të ardhurit nga Stambolli ai është futur në konviktet e studentëve, të cilat janë shndërruar në karantinë pas gjendjes emergjente për shkak të virusit COVID-19.
Kur ka hyrë në konvikt Berisha është tronditur me pillëkun që rrethonte vendin. Ai ndau me ndjekësit e tij në InstaStory një foto të lavamanit brenda konviktoreve të studentëve.
Në mbishkrimin e kësaj fotografie, Roberti ka reaguar me ironi duke shkruar se papastërtia që mbizotëron aty është sikur të ikësh nga virusi e të kthehesh sërish në virus.
“Konvikti i Prishtinës, karantinë për udhëtarët nga Stambolli, ik prej virusit, hajde në virus. Bravo Ministër”, ka shkruar këngëtari Berisha në mbishkrimin e kësaj fotografie.
Deri më tani numri i të infektuarve në Kosovë me koronavirus ka shkuar në 20 persona.
