SHBA/ Pandemia mund të zgjasë deri në 18 muaj, dhe do të prekë shumë njerëz

113 563 lexime

124,178FansaPëlqeje

Gati 2 muaj që nga rasti i parë më koronavirus në SHBA, qeveria amerikane është duke u përgatitur për një pandemic, e cila mund të zgjasë deri në 18 muaj ose më gjatë, dhe “të përfshijë disa valë përhapjesh”, thuhet në një raport konfidencial të konsultuar nga CNN.

Ndërkohë spitalet kanë dhënë që tani alarmin për mbarimin e shpejtë të ilaçeve, teksa përhapja e epidemisë në vend, nuk po tregon asnjë shenjë ngadalësimi. Madje në 24 orët e fundit, rastet e reja janë rritur me më shumë se 40 për qind. Gati 9.000 amerikanë kanë rezultuar deri tani pozitivë ndaj koronavirusit. Të paktën 149 prej tyre kanë vdekur.

“Unë e shoh veten si një president në kohë lufte”-tha presidenti Donald Trump në një konferencë shtypi. Për të ngadalësuar përhapjen e virusit, qeveritarët lokalë në të gjithë vendin kanë marrë masa drastike siç janë mbyllja e shkollave, dhe detyrimi i bareve dhe restoranteve për të marrë vetëm porosi nga shtëpia, duke ndaluar kësisoj mbledhjet masive.

Në Nju Jork, guvernatori Endrju Kuomo tha se virusi duhet të arrijë kulmin brenda 45 ditësh, teksa kërkoi nga qeveria 110.000 shtretër spitalorë shtesë. “Të gjithë flasin për uljen e kurbës. Por unë nuk shoh një kurbë. Unë shoh një dallgë. Dhe kjo dallgë do të përplaset me forcë në sistemin tonë shëndetësor dhe… do të jetë një cunami”- paralajmëroi ai.

Nju Jorku ka tashmë ka një kapacitet prej 3000 aparatarësh respiratorë, por ai thotë se kjo nuk është pothuajse e mjaftueshme. Megjithë parashikimet se si mund të jetë trajektorja e epidemisë gjatë muajve të ardhshëm për amerikanët, sistemin e kujdesit shëndetësor dhe komunitetet në mbarë botën, një zyrtar i lartë amerikan thotë se ka ende shumë të panjohura. “Situata po evoluon, dhe çdo ditë po mësojmë gjithnjë e më shumë”-tha për CNN dr.Entoni Fauçi nga Instituti Kombëtar i Shëndetësisë. /S.T

Të fundit

Surpriza e motit për ditën e nesërme, ja çfarë pritet të ndodhë me temperaturat

Në vendin tonë moti do të jetë me kthjellime dhe vranësira me reshje shiu lokale në veri. Era do...

Sa shpenzojnë shqiptarët në vit për mirëqenien e tyre?

Instituti i Mirëqenies Globale (Global Wellness Institute), i cili njihet si burimi kryesor për kërkime në industrinë e mirëqenies, ka publikuar së fundmi raportin...

Ndryshimet klimatike mund të rrisin inflacionin

Rritja e temperaturave dhe ngjarjet ekstreme të motit, pritet të kenë një ndikim global në bujqësi. Rritja e temperaturave mesatare, mund të rrisë inflacionin vjetor...

Vakti më i shtrenjtë në botë kushton plot 495 mijë dollarë dhe shërbehet në hapësirë

Sado joreale të tingëllojë, është e vërtetë. Kompania e turizmit hapësinor SpaceVIP po përgatitet të shërbejë një vakt në hapësirë, i cili do të kushtojë 495,000 dollarë për person. Kompania, pak...

Bulqizë/ Ishte duke riparuar një defekt, elektricistin e zë korrenti, mbetet i plagosur

Avdul Duçi, elektricist ka mbetur i plagosur teksa po punonte për riparimin e një linje elektrike, në afërsi të spitalit të Bulqizës, ka rënë...

Lajme të tjera

Web TV