Bëni kujdes! Dorezat dhe maskat e hedhura ​​përtokë e përhapin pandeminë

113 563 lexime

124,178FansaPëlqeje

“Hedhja në tokë e dorezave dhe maskave ​​anti-Covid 19, jo vetëm që e ndotin planetin tonë, por mund të ndihmojnë në përhapjen e virusit’. Denocimi vjen nga shoqata “Plastic Free” në Itali, e cila këto ditë ka dokumentuar dhe fotografuar mijëra doreza dhe maska ​​të hedhura për tokë jashtë ambjenteve tregtare, në trotuare, dhe pas makinave të parkuara.
Shoqata që drejtohet nga Luka De Gaetano, është shumë aktive në luftën kundër plastikës. Ajo ka publikuar në faqen e saj në internet imazhe shumë trishtuese, që në vetëm 48 orë janë parë me indinjatë nga mbi 2 milionë përdorues.

Imazhet, u bënë menjëherë virale, dhe e rritën zemërimin tek disa kryebashkiakë, të cilët iu bënë menjëherë thirrje bashkëqytetarëve të tyre që të jenë më të kujdesshëm, përndryshe do t’i padisnin në Prokurori.

“Ne nuk duhet të bëhemi virusi i ri i planetit tonë. Në një moment kaq të vështirë dhe emergjent si ky, hedhja e dorezave dhe maskave në tokë, si dhe mosrespektimi i masave higjenike bazë, është një formë e egoizmit dhe mungesës së respektit për të tjerët, dhe jo vetëm për planetin.
Në këtë periudhë kaq të vështirë, ne duhet t’i kushtojmë më shumë vëmendje veprimeve tona të përditshme, pasi pasoja e dëmeve që po shkaktojmë, do t’i vuajmë nesër të gjithë”-thekson drejtuesi i shoqatës “Plastic Free”, Luka De Gaetano.

Sipas tij, kjo sjellje mund të kontribuojë në përhapjen e pandemisë së koronavirusit, për shkak se virusi mbijeton në plastikë për disa ditë. De Gaetano shpjegon se “sipas disa studiuesve amerikanë, virusi në plastikë mund të mbijetojë deri në tre ditë”.

“Dhe kjo tezë është e konfirmuar nga disa virologë, të cilët kanë specifikuar se duhet të kalojnë 72 orë që virusi mbi plastikë të mos të jetë më kontaminues. Sigurisht, askush nuk i mbledh me kënaqësi mbeturinat e hedhura përtokë. Por diçka e tillë i vë njerëzit në rrezik, siç janë përshembull operatorët ekologjikë”- shprehet ai.

Lexo edhe :  EMRI-FOTO/ Zhduket i riu nga Dibra, daja: Humbi kontaktet me ne në kufirin serbo-kroat

Sipas De Gaetanos, ne duhet të ndalemi një moment të reflektojmë, si dhe të shmangim një sjellje të tillë. “Karantina i ngadalëson ritmet tona të përditshme, dhe na krijon shumë hapësirë ​​për të reflektuar.

Maskat dhe dorezat, duhet të hidhen në kontenitorë të posaçëm. Braktisja e mbeturinave
është gjithmonë një gjest i papërgjegjshëm, por sot një gjest i tillë është jo vetëm i pa mirëkuptueshëm, por është për më tepër i rrezikshëm”- përfundon drejtori i organizatë
“Plastic Free”.

S.T

Të fundit

Çfarë përmban propozimi i Sekretarit të NATO-s për ndihmën ushtarake Ukrainës?

Ministrat e jashtëm të NATO-s të premten do të diskutojnë për një ndihmë të re ushtarake për Ukrainën, të...

Nisin fluturimet direkte nga Tirana në Kopenhagë

Qytetarët shqiptarë nga sot mund të fluturojnë direkt drejt kryeqytetit të Danimarkës, Kopenhagës. Fluturimi i parë direkt është pritur me një ceremoni të veçantë...

Soko: Ja sa duhet të llogaritet minimumi jetik për një familje me 4 persona

Eksperti i ekonomisë Pano Soko nga Nisma Thurje, duke folur për minimumin jetik, tha në emisionin “Open” në News24, se të jetosh në minimumin...

Miqësoret dhe më pas Europiani, kombëtarja stërvitet në “Shtëpinë e Futbollit”

Trajneri i Shqipërisë, Sylvinho ka thirrur lojtarët e kombëtarës në “Shtëpinë e Futbollit”, për të parë kështu situatën e tyre në këtë fund muaji....

Lajme të tjera

Web TV