Instituti Kombëtar i Shëndetësisë Publike të Kosovës ka bërë të ditur se janë shtuar edhe tri raste të tjera me koroanvirus. Kjo ka bërë që numri i përgjithshëm i të prekurve me Covid-19 të shkojë në 94.
“Sot më 29.03.2020 në Laboratorin e Mikrobiologjisë Molekulare në IKSHPK me metodën RT-PCR, janë testuar 45 mostra të marra nga rastet në terren dhe nga rastet e hospitalizuara në Klinikën Infektive. Nga mostrat e marra për testim në virusin SARS-CoV-2, tre prej tyre kanë rezultuar pozitive”, thuhet në njoftimin e IKSHPK-së.
Sipas njoftimit, rastet pozitive janë raste kontakti, dy prej të cilave me vendbanim në Prishtinë dhe një me vendbanim në fshatin Kijevë-Malishevë.
